影片
更多
2017-12-12
48 浏览
話說上次食呢間餐廳，食8點，竟然冇生蠔。心有不甘，耿耿於懷😂所以今次我同男友呢兩個海鮮怪又出動啦😂今次為咗就方便，就揀咗觀塘呢一間分店呢一間分店大好多😍樓底高，有空間感👍🏻👍🏻👍🏻裝潢好有格調，又有唔少大卡位。好適合附近嘅上班一族，放工後嚟呢度飲幾杯。我地食6點半！一定有生蠔🤤先叫左個$198 既set,有12隻Irish Rock 同一支白酒！真係好抵食。可以自行選擇是否升級生蠔或者白酒，我地就另加＄48升級左支白酒Melle Moellux，因為鍾意佢味道偏甜。生蠔雖然唔算好大隻，但係充滿海水鹹香；配上冰凍的白酒，鹹甜的味道交錯，令人慢慢回味👍🏻少食多滋味，每人六隻啱啱好👍🏻另外叫咗個牛肝菌意大利飯$128飯粒有嚼勁，收汁恰好。充滿忌廉及菌香，又唔會覺得好膩。飲飲下酒，又想叫啲小食，就叫咗個燒海膽多士（特價＄68）海膽份量好多😍😍😍一定要趁熱食呀！多士香脆，海膽配芝士～味道好match。總結覺得餐廳環境好舒適，生蠔一定係賣點！久唔久都要對自己好啲，食好d！
心有不甘，耿耿於懷😂
所以今次我同男友呢兩個海鮮怪又出動啦😂
今次為咗就方便，就揀咗觀塘呢一間分店
呢一間分店大好多😍
樓底高，有空間感👍🏻👍🏻👍🏻
裝潢好有格調，又有唔少大卡位。
好適合附近嘅上班一族，放工後嚟呢度飲幾杯。
我地食6點半！一定有生蠔🤤
先叫左個$198 既set,有12隻Irish Rock
同一支白酒！真係好抵食。
可以自行選擇是否升級生蠔或者白酒，我地就另加＄48升級左支白酒Melle Moellux，因為鍾意佢味道偏甜。
生蠔雖然唔算好大隻，但係充滿海水鹹香；配上冰凍的白酒，鹹甜的味道交錯，令人慢慢回味👍🏻
少食多滋味，每人六隻啱啱好👍🏻
另外叫咗個牛肝菌意大利飯$128
飯粒有嚼勁，收汁恰好。
充滿忌廉及菌香，又唔會覺得好膩。
飲飲下酒，又想叫啲小食，
就叫咗個燒海膽多士（特價＄68）
海膽份量好多😍😍😍
一定要趁熱食呀！
多士香脆，海膽配芝士～
味道好match。
總結覺得餐廳環境好舒適，
生蠔一定係賣點！
久唔久都要對自己好啲，食好d！
张贴
