大班麵包西餅 (已結業)

尋(27-7-2010 Tue)晚因要去考試,會好晏至走,咁朝早買定麵包晏晝食打定底啦.去到聖安娜,覺得冇咩o岩,就繼續行,行到天橋記得有間大班,於是行去睇睇,去到,一個客都冇,唔係o掛?咁我慢慢揀啦.見到有啲$9.00好大個唔記得咩包,就買一個,另一個就正常size,外型好靚(有奶油o係上面),$6.00o既雪山丹麥包.返到公司擺o係枱,一直嗅到麵包o既香味,到3:00pm就先食第一個,食雪山丹麥包先啦,因為有奶油唔可以擺太耐喇.拎出o黎時,整到隻手都好油,因為佢連底都油,咬落去,嘩!原來裡面都有奶油,而已都唔少,今次中拍招啦,肥死喇.但佢食落味道又幾好喎,甜甜地,但唔係奶油甜,奶油本身唔太甜,只係佢面上米白色一圈圈o既同糖霜甜,但夾落係o岩o岩好,好味o既.味道: 4.5分之後睇睇唔記得咩o既包,原來裡面有火腿同一啲半透明唔知咩醬,咁即係食唔晒都唔可以留o係公司.而佢面上有炸過o既蒜蓉,味道重好濃.食落,比雪山丹麥包遜色,其實佢重有其他配料,但我講唔出係咩o野,不過餡o既份量都多.味道: 3分服務:唔錯,由於我呢兩樣加埋o岩o岩$15.00,收銀主動話我知如果用八達通畀錢可慳$2.