新興食家 (已搬遷) 新店位置

冇諗過一間飲早茶既地方零辰2點就開,我雖然5點先到但到左一樣爆滿,原來店面坐位外另外再多了一個舖位入去坐簡直別有洞天. 茶客通常都係上了紀既男士 相信我係全場最後生點心放係收銀處對出 基本上是但行埋去拿俾阿姐tick單就得 叫左好多點心蝦餃x2 燒賣x2 干蒸牛肉x2 叉燒包 流沙包x2(好正) 金錢肚 鳳爪 春卷 雞扎 仲有個不知名既扎如果要一一介紹真係有排 但事實上真係全部好好食,d味比好多酒樓有過之而無不及,真係食得出以前細蚊仔年代飲茶個種風味.......同埋有時真係唔可以睇少間野細細而且地方好偏僻,冇人指點真係唔識入來 點都好希望一間咁純正懷舊風味既店舖可以繼續做落去滿足大家既胃!!