麵麵店 (已結業)

問我, 我會老實答你:兩樣都係^^ 佐敦的店食過三次, 喜歡的除了它的幾款獨特湯底外仲有係可以一個比較乾淨的地方食”嗱喳麵”. 感覺舒服一點.知道面面店嚮大角咀開左分店一段時間當然要去朝聖下啦! 我十二點廿分去到, 都要坐滿了!鍾意呢間鋪頭的另一個原因係佢有d自家製特飲，例如山楂冰，天葵特飲同我叫左呢杯的菊花杞子水。幾濃菊花味，幾香同非常清涼！一面加四餸餐，四十蚊！我叫左紫菜，鳳爪，墨魚條同腐皮，好開心每樣餸份量都好多！墨魚條幾爽口。如果無記錯，以前係無勁辣湯底的，我叫左勁辣再加埋桌上的辣味奄菜，好夠辣好過引！味道很夠濃！雖然大角咀就唔太就腳, 但如果我好想食有水準既車仔面, 我都會再黎~