校長燒肉日韓料理 (已搬遷) 新店位置

今日咁啱黎開元朗，突然好想食生蠔，所以打算專程去賣生蠔既專門店，行到一半，太太突然提醒我,話買生蠔咁不如搵間可以任食嫁啦，我想了又想，突然諗返起一間我地曾經食過好味既餐廳，校長燒肉!雖然呢度係一間食燒肉既舖頭，但係佢最大既賣點係可以加錢升級任食松葉蟹+生蠔! 未食主菜之前，先食食壽司，壽司選擇唔少而且好精緻，飲品都係大路野，除左酒類，有好多特別款式，係我驚喜之一!淨係睇賣相以為去咗日式餐店，有大師級風範，味道都唔差!今晚既主角黎啦，超巨形生蠔!!! 雖然無問到生蠔既原產地在嗎，但只能說係非常新鮮，海水味比較重，咬落去有軟滑口感，基本上新鮮程度係唔需要用檸檬都能夠完完全全食出鮮味!松葉蟹都係任食，又係超巨形，食落唔重咸味，但非常鮮甜，能夠一個價錢無限食真係非常幸福!食晒最想食既野後，終於可以開始食韓燒，肉類選擇多，全部係自助形式除左肉類外仲有少量海鮮及菇類可以選擇，可惜個胃唔太夠位，只能淺嘗最後用埋最大既努力食甜品，為今次滿足既大餐劃上完美既句號!