星記海鮮飯店 (The Phoenix) (已結業)

由於想食椒鹽嘅菜式，好想近朋友返工返屋企嘅地方，所以約埋一班朋友去星記海鮮飯店食飯。一上到去我哋以為去錯地方，因為我哋入咗側門，正門不是盧押道，不過一上到去都有人招呼嘅，而且態度好好，只是環境比較嘈。我哋今餐有十個人一齊去食，唔想食得太貴於是都係叫一啲比較平價嘅小菜。佢地最平嘅小菜大約係八十幾九十蚊，但係一碟分量原來係唔夠十個人食嘅，好多時都係得八件，而且比較細件。每道菜式其實大家都係讚不絕口嘅，大家特別最欣賞係椒鹽魷魚，似乎唔油，麵粉亦都好少但係好香口。另一道好好味嘅係梅菜煮菜心，同埋最尾送嘅甜品小米粥，好似第二道食唔到。最後大家都好似食得飽嘅，晚餐每人為起一百七十幾蚊。係附近工作嘅朋友話佢地會再返來食。