花丸軒

睇開我平日啲筆記都知我係個豬軟骨狂熱份子，真係好鍾意好鍾意豬軟骨。有日見到呢間舖頭有豬軟骨就跟住去試咗。聽講呢間係大阪過江龍嚟㗎，好少食拉麵嘅我第一次食就食到過江龍，真係估唔到！

天啊！豬軟骨真係好大條，成條仲大過我隻手掌！炆得好腍，一咬就散開。個湯底充滿骨膠原，沾麵湯都係。我自己就鍾意激辛拉麵多啲，辣辣哋比較吸引，配埋拉麵食冇咁膩之餘仲幾開胃！加埋隻溏心蛋簡直係昇華咗成碗麵。沾麵嘅叉燒仲要係入口即溶！餃子都好好食。

#香港美食 #中環 #中環美食 #香港拉麵 #拉麵 #中環拉麵 #大館 #大館拉麵 #大館美食