Amici (已結業)

剛剛食完樓上flying pan, 為左再感受一下英國人既文化，同埋想睇屋企冇得睇既足總杯，見到咁就腳就即入。全個酒吧差唔多都係外籍人士，仲要係英國人，真係切合主題。叫左買一送一既支裝啤酒，其中一款7仔都有得買既vodka+lemonade唔錯，但係另外一支美國啤酒，淡而無味，美國佬真係唔識飲靚酒咩？奇怪既係個服務員一次過攞兩支啤酒俾我，等到支啤酒熱哂先俾過支我，點解唔俾個牌仔我飲完先再攞呢？雖然酒吧人少少，但係有一班忠實既熱刺同車仔既球迷，氣氛都唔失色。佢係上樓舖，唔留意個牌都唔知有間吧，佢考慮下擺個大牌係mes amis隔離可能會好d。