Marco's Oyster Bar & Grill (港灣豪庭廣場) (已結業)

今日放工搵咗個朋友食飯，見到佢公司附近有間食西餐嘅，見到威靈頓牛柳餐，睇落唔錯所以試吓。蘑菇湯：食得到有蘑菇蓉，而且餐湯鹹鹹地我個人覺得非常好飲。威靈頓牛柳：期待已久嘅主角，賣相相當唔錯，酥皮脆口，當侍應將牛柳擺上枱時，有一陣酥皮芳香。牛柳約5成熟，鮮嫩多汁，口感唔錯。煙三文魚凱撒沙律：有飛一般呢度嘅芝士碎粉，配上煙三文魚味道唔錯，沙律都幾新鮮。最後甜品方面，有自家製意大利芝士餅及紐約芝士餅，芝士味濃，用料比例適中。