金城茶餐廳

营业中

休息中

最近見到好多雜誌網上報道，講呢一間餐廳位於大圍，佢嘅椒鹽豬扒飯好出色，所以趁我喺沙田放學就過咗去食。大約下午一兩點左右，入到去餐廳已經好多人，要同人搭枱坐，一坐低就叫咗個椒鹽豬扒飯炒飯底，另外再叫佢比較出名嘅肉餅飯。但係估唔到啲飯嘅份量都幾多，仲好大碟添，就算我一向比較大食、大胃王啲嘅都食唔晒。椒鹽豬扒飯比我想像中差小小，我以為佢豬扒炸得好香脆，而且仲有少少辣汁，但係啲豬扒就比較林身少少，雖然好易咬口，但係就冇乜質感，所以我覺得一般，冇出面講到咁好食。反而個肉餅飯，佢個肉餅用煎嘅烹飪技巧去煮，所以食落口有外脆內軟嘅感覺，而且肉餅好大塊好厚身，都幾好味。不過下次會再試過第二啲碟頭飯，都算不過不失。