珍寶王國 (已結業)

做咗香港人幾十年，今日終於有機會嚟到珍寶海鮮舫！佢哋兩個皇帝終於可以坐到龍椅啦 睇食神同埋味吉陽一都可以見到珍寶王國，今日真係有機會嚟到啦！其實好多香港人都去過，不過自細都好少機會到香港仔，又真係唔知點解一路都冇呢個機會嚟！自駕遊嘅朋友嚟到呢個迴旋處落車，就會見到碼頭㗎啦！ 碼頭分別有3個，但係左邊嘅太白海鮮舫已經沒有營業了，問番船夫叔叔佢話因為少咗好多日本客，所以都營運唔到落去！ 至於右邊的碼頭就係接載遊艇客，大家除咗可以喺深灣呢個位置上船，都可以喺香港仔碼頭嗰邊上船呢架接駁船係唔需要俾船費㗎 即使假日都唔會好多人，所以大把位任坐唔嬲！ 開船啦！只係需要5分鐘嘅船程 我哋十一點到，所以人唔多！一上到嚟二樓就有位 好開心呢度保留咗傳統飲茶嘅特色，有大排檔可以拎住張咭想嗌咩就食咩！ 有經典嘅蘿蔔糕點心車，有陣時同呀姐熟絡咗，仲可以一色3味，即係蘿蔔糕、芋頭糕加馬蹄糕，真係超正！ 仲有至愛粥點車仔，仲記得細個叫粥食嗰陣，專登會叫呀姐俾一碗薄脆我 十二點過後開始越嚟越多人！ 食物質素大同小異, 絕對同你樓下美X集團或稻X集團嗰D差唔多, 點心平均$40-50左右，價錢都算貴，