八天堂 (已結業)

上次嚟過食全條鰻魚漢堡之後，就好想再嚟試埋佢個忌廉包！今次揀咗抹茶同紅豆，至於抹茶，都係用宇治園抹茶製成，而紅豆就係近期大熱，個包雪凍咗，忌廉好滑好好味，完全唔覺好肥好膩咁，抹茶味好香，有淡淡既抹茶味，紅豆比平時街食到既冇咁甜，唔錯，各有特式！之後叫咗杯薄荷拿鐵同泡沫咖啡，店內嘅咖啡都係出產自伊都岐咖啡，用巴西、危地馬拉及印尼混成嘅咖啡豆，味道偏酸，但薄荷味唔太啱我，飲完有涼浸浸既感覺，泡沫咖啡就唔同，飲得到咖啡既香味！唔知幾時先可以試埋佢個明太子烏冬呢？！好期待呀😋