影片
更多
2019-04-11
85 浏览
應該有唔少人都鐘意同朋友食下宵夜，飲下酒，吹下水，我都唔例外，係紅館睇完演唱會，朋友話肚餓，個腦只係諗到串燒，所以就提議下，點知佢地都無所謂，於是又黎到呢個位於旺角既深燒食堂啦。黎到呢間店，一定要試佢個芝士撈丁，好可惜當晚既芝士都賣曬，唯有退而求其次揀左蒜蓉撈丁，蒜蓉既味道好香又唔會好搶，同個丁麵好夾。講番串燒先，蒜蓉茄子係每次必點既，純粹因為我好鐘意食茄子，呢個係每次必點既食物，除左蒜蓉，廚師仲加左少少辣椒，除左蒜香味都有少少辣味，好上癮；蒜蓉牛油焗金菇係永遠不敗既食物，點煮都好食，加上我都好鐘意食金菇，所以呢個都係我每次必點既；除左呢兩樣必點之外，今次都試左啲新野，分別係沙爹醬燒豬頸肉，燒得啲豬頸肉仲好juicy，點埋個沙爹醬相信無人唔愛，只可惜份量少左啲；串燒蜜糖燒賣就係今晚既最大驚喜，食過蒸、炸既兩種煮法，燒燒賣就正正係呢兩種食法既中間，外皮燒得少少脆，加上蜜糖既蜜、甜味，中間心仲保持住軟軟既口感，食完一粒想再食；其實當晚仲叫左芝士燒扇貝、燒雞軟骨串、醬燒雞中翼，諗起就好邪惡好肥仔，唔緊要啦，食完再減每次都會透過以下6大方面評分(滿分:30分)味道 : 3.5 / 5環境 :
黎到呢間店，一定要試佢個芝士撈丁，好可惜當晚既芝士都賣曬，唯有退而求其次揀左蒜蓉撈丁，蒜蓉既味道好香又唔會好搶，同個丁麵好夾。
講番串燒先，蒜蓉茄子係每次必點既，純粹因為我好鐘意食茄子，呢個係每次必點既食物，除左蒜蓉，廚師仲加左少少辣椒，除左蒜香味都有少少辣味，好上癮；蒜蓉牛油焗金菇係永遠不敗既食物，點煮都好食，加上我都好鐘意食金菇，所以呢個都係我每次必點既；除左呢兩樣必點之外，今次都試左啲新野，分別係沙爹醬燒豬頸肉，燒得啲豬頸肉仲好juicy，點埋個沙爹醬相信無人唔愛，只可惜份量少左啲；串燒蜜糖燒賣就係今晚既最大驚喜，食過蒸、炸既兩種煮法，燒燒賣就正正係呢兩種食法既中間，外皮燒得少少脆，加上蜜糖既蜜、甜味，中間心仲保持住軟軟既口感，食完一粒想再食；其實當晚仲叫左芝士燒扇貝、燒雞軟骨串、醬燒雞中翼，諗起就好邪惡好肥仔，唔緊要啦，食完再減
每次都會透過以下6大方面評分(滿分:30分)
味道 : 3.5 / 5
環境 : 3.5 / 5
外觀 : 3.5 / 5
價錢 : 3.25 / 5
服務 : 3.5 / 5
回頭率 : 3.5 / 5
總分 : 20.75 / 30
性價比：如果夜媽媽想搵個地方吹水、吐苦水、啤啤佢，其實呢度真係好岩，一黎又係旺角，香港既中心，又唔洗食火鍋咁heavy，另外其實仲有好多好有趣、意想不到既「新奇料理」，交俾各位朋友仔試下啦
张贴