影片
更多
2012-10-28
855 浏览
呢度係我 encore 得最多o既酒店餐廳自助餐 , 最大因素係有鵝肝任食 , 其次係價錢 , 因經常有折扣優惠或信用咭優惠 , 大約每位 $ 250 左右 不過坦然今次再黎食 , 感覺退步左 , 令我地o既三周年晚飯有 d 失望先談一談 " 回味龍城 " 之主題 , 眾所周知 , 九龍城係星馬泰菜集中地 ,咁當然都不乏中菜餐廳 , 港式茶記等 , 當晚熱葷佔八成係星馬泰菜式，另一角有師傅即叫即炒大排檔海鮮 , 又有面店即製魚蛋粉雲吞面 , 有趣o既係 , 冷盤甜品都特意加入此類元素 , 例如甜品區有雞尾包 ,凍海鮮除左有香草蕃茄醬 , 檸角之餘仲有泰式酸辣汁以供選擇不過有樣野令人癈解 , 就係設置左一個收費港式小食檔同飲品部 , 賣o既係魚旦腸仔豬皮蘿蔔 , 紅豆冰什菓冰同細樽裝汔水 , 全部要比錢我明白佢想營造昔日小販檔o既情懷 , 但o係酒店餐廳食緊自助餐時 , 要掏出 $ 4 , $ 5 去買野食買野飲 , 除左怪之餘 , 感覺餐廳好搵笨咁 ><"避談呢一點 , 講返食物 , 種類唔算好多 , 味道多數係剛達合格水平未見有特別出色o既美食 , 就連鵝肝都令我覺
其次係價錢 , 因經常有折扣優惠或信用咭優惠 , 大約每位 $ 250 左右
不過坦然今次再黎食 , 感覺退步左 , 令我地o既三周年晚飯有 d 失望
先談一談 " 回味龍城 " 之主題 , 眾所周知 , 九龍城係星馬泰菜集中地 ,咁當然都不乏中菜餐廳 , 港式茶記等 , 當晚熱葷佔八成係星馬泰菜式，
另一角有師傅即叫即炒大排檔海鮮 , 又有面店即製魚蛋粉雲吞面 ,
有趣o既係 , 冷盤甜品都特意加入此類元素 , 例如甜品區有雞尾包 ,
凍海鮮除左有香草蕃茄醬 , 檸角之餘仲有泰式酸辣汁以供選擇
不過有樣野令人癈解 , 就係設置左一個收費港式小食檔同飲品部 ,
賣o既係魚旦腸仔豬皮蘿蔔 , 紅豆冰什菓冰同細樽裝汔水 , 全部要比錢
我明白佢想營造昔日小販檔o既情懷 , 但o係酒店餐廳食緊自助餐時 ,
要掏出 $ 4 , $ 5 去買野食買野飲 , 除左怪之餘 , 感覺餐廳好搵笨咁 ><"
避談呢一點 , 講返食物 , 種類唔算好多 , 味道多數係剛達合格水平未見有特別出色o既美食 , 就連鵝肝都令我覺得唔再係皇牌必點級
1. 凍海鮮吧
~ 有長腳蟹 , 青口 , 大蝦 , 帶子 , 乳龍蝦 , 置住碎冰上 , 保持溫度帶子同青口不過不失 , 長腳蟹肉質鮮嫩 , 無過咸o既海水味 ,
大蝦隻隻都爽甜彈牙 , size 都真係幾大 , 蝦頭膏香肥腴 , 要勁食 !!
乳龍蝦就食左一隻o者 , 事關實在係太咸 , 不論係膏定肉身都勁咸
而上文提過o係泰式酸辣汁 , 用黎蘸凍蝦最夾 , 跟生蝦刺身類同
2. 冷盤
~ 一般o既自助沙律 , 壽司 , 蕎麥面 , 刺身 , 堙火腿三文魚火雞 , 款式唔係話好多 , 但每樣試少少都足夠 , 味道唔算太突出 ,
其中係自助沙律o個度有個香草芒果汁值得推介 , 拌水果或菜都 ok
香甜得黎有陣陣意式香草味 , 唔會好似芒果汁咁膩 , 濃稠得宜
3. 湯
~ 中式有白果腐竹煲豬肚 , 單睇色水已知火喉不足 , 無試到
西湯係雜菌忌廉湯 , 似罐頭湯 , 入口係漿而唔係 creamy
4. 熱葷
~ 多以東南亞風味為主 , 就算菜都有個馬拉盞炒芥蘭 , 好好味 ~普通 d o既有炭燒豬頸肉 , 炒貴刁 , 味道都一樣係普普通通
較具特色o既係冬陰雞 , 味道似香茅雞扒 , 但多一份酸辣
仲有一個叫森巴醬炒龍蝦鉗 , 係幾大隻幾多肉 , 但肉質好實且無味 ,
森巴醬好似辣辣地o既花生醬咁 , 同龍蝦鉗有 d 格格不入
魚類就只有一款芭蕉葉燻魚 , 好重香料味 , 咸到不得了
最 arm 小朋友食o既就有一個龍蝦蒸玉子 , 尚算香滑但偏淡
5. 即叫即製
~ 第一輪只有燒蜜糖火腿 , 唔知係咪唔多人拎 , 切到勁大舊個皮韌到切唔開 , 火腿味道正常 , 無乜特別 , 都無蜜糖味
第二輪出左一陣燒牛扒 , 師傅同樣切得好求其 , 要特別提出請薄切
牛肉好嫩好香滑 , 無過份牛羶味 , 生熟程度係我可以接受o既範圍
7:45pm 先有鵝肝 ( 自助餐 6:30pm 開始 ) , 好在快熟唔使排好耐
每人每次兩片 , 本身無跟多士墊底 , 都幾多油 , 可自行切片法包用
鵝肝形狀參差 , 應該係亂找一個切割面切出所需大小就算 ,
有壞本身o既紋路 , 油份硬被擠出 , 口感亦會受影響 , 不夠軟溜
味道中規中矩 , 肝味算足 , 不過因撲過生粉同加入調味而稍失原味
6. 龍城小炒
~ 排隊時見到有人叫煎釀豆腐 , 原來係預先煎好 , 即叫即夾幾件比你
可自己o係旁邊選配調味醬料或蔥花莞茜等 , 12 款之多 , 好睇唔好用
前面o個位叫左泰式辣椒膏炒青口 , 先飛水再落鑊炒 , 賣相不俗
而我就點左避風塘炒蟹 , 點知蟹件原來係預先炒好放置一旁 ,
即叫係即用薑 , 蒜 , 乾蔥 , 辣椒油/粉/膏落鑊炒勻 , 一次過整左四份
即係黎緊會有三個客人叫o既炒蟹係o係保溫爐拎出黎而非即炒
蟹件層生粉好厚 , 一口咬下又漿又黏 , 蟹肉梅o既 , 散到肉到殼分唔開
即使味道調得唔錯 , 都令我再全無衝動過黎排隊叫埋其他小炒黎試
7. 富記面檔
~ 有潮式魚旦粉面及喇沙鮮蝦及雞肉湯粉以供選擇 , 我無試粉面 ,
只左一份菜心同一份蝦 ,試下佢個喇沙湯底 , 椰香好輕微 , 少少辣
菜心粗大嫩綠 , 蝦就不及凍海鮮o個邊o個 d 咁大隻 , 但算是鮮甜
自助晚餐中有一道熱燙o既湯粉面或灼菜食 , 可照料到上年紀o既食客
8. 甜品~ 先由原個蛋糕講起 , 香蕉朱古力蛋糕係最好味 , 超濃滑 , 香蕉蜜甜
蛋糕好鬆軟 , 加入脆脆餅層 , 口感一流 , 下半場有另一款 , 朱古力味更濃
法式咖啡千層餅 , 同樣好濃郁 , 濃得帶點苦澀 , 千層餅但我食到得一層
另外有芒果豆腐慕絲蛋糕 , 面包布甸 , 意大利芝士餅同木糠布甸 , 可以一試
一件件小蛋糕有蘋果金寶 , 味道無問題 , 但餅底好濕 , 面層都唔夠脆口 ,綠茶紅豆卷 , 綠茶味欠奉 , 檸檬白朱古力餅 , 其中一層酸到阿媽都唔認得
皇室朱古力紅桑子蛋糕 , 朱古力迷必食 , 好濃郁好好味 , 紅桑子味偏輕但好香
一小碟甜點多為果凍 , 大菜糕 , o者喱 , 全部如出一徹o既甜味同少量水果味比較特別o既有紅酒燴梨 , 但水準一般 , 朱古力泡芙不過甜 , 但底部小撻唔好食
不停焗不停新鮮出爐o既梳乎厘 , 味道口感都唔錯 , 要注意時間排定隊先拎到自己落粉漿o既自製窩夫機深受小朋友歡迎 , 附近會有職員幫忙同維持秩序
有原味同士多啤梨味兩款 , 個人鍾意伴上雪糕球 , Dreyer's 四種大路味道 ,
有專人企o係度不比你 , 好處係衛生 d , 唔好就係得好細球 , 要排多幾轉
## 恕我未能盡錄同食晒整晚所有食物 , 只能作出簡單介紹及評論飲品方面係無跟餐飲o既 , 只有奶茶咖啡檸茶檸水自助區 , 只限熱飲
张贴
