影片
更多
2017-06-21
1575 浏览
早幾日走去粉嶺食完「賣飛佛」嘅清湯豬手之後, 順道走去上水行吓幫助消化, 由於猛烈嘅太陽近日失咗蹤, 所以唔逛啲什麼大型商場, 改去石湖墟呢啲舊區行吓, 企圖發思古之幽情, 不過, 行嚟行去, 撞口撞面都係葯房呀, 化妝品店呀咁, 唉, 都係逛吓睇吓有咩好食仲好啦。見到陳六記呢間食店, 就記起openrice食評內有人話啲炭燒五層肉好味, 望吓隻表, 六點未夠, 未覺得肚餓, 但又想試吓, 見到餐牌嘅燒味碟頭飯, 除咗五層肉之外, 仲有咸雞, 於是叫碟雙併飯扣底作淺嘗。其實响呢個鐘數食燒味係有啲危, 因為未到晚飯時間, 啲燒味可能係出咗爐好耐, 會乾咗或凍咗, 我就試過响太子某間同樣用炭燒嘅燒臘店, 200蚊食咗碟又乾又凍嘅燒腩骨, 中哂伏。陳六記呢一碟雙併飯($48), 嗰幾件五層肉賣相唔錯, 咬落啲皮仍然脆, 啲肉醃得稍鹹, 尚可接受, 食得出有陣炭燒味道, 但因為唔係現宰新鮮豬肉, 混合唔到種香氣出嚟, 話雖如此, 但唔用凍肉用鮮肉, 起碼賣貴廿幾卅蚊, 咁就會少咗人會幫襯, 講返啲咸雞, 唔記得嗌走翼, 咁啱就係中咗, 但既來之, 則安之, 睇落嗰幾件雞翼啲皮無擺到乾哂, 啲肉
見到陳六記呢間食店, 就記起openrice食評內有人話啲炭燒五層肉好味, 望吓隻表, 六點未夠, 未覺得肚餓, 但又想試吓, 見到餐牌嘅燒味碟頭飯, 除咗五層肉之外, 仲有咸雞, 於是叫碟雙併飯扣底作淺嘗。
其實响呢個鐘數食燒味係有啲危, 因為未到晚飯時間, 啲燒味可能係出咗爐好耐, 會乾咗或凍咗, 我就試過响太子某間同樣用炭燒嘅燒臘店, 200蚊食咗碟又乾又凍嘅燒腩骨, 中哂伏。
陳六記呢一碟雙併飯($48), 嗰幾件五層肉賣相唔錯, 咬落啲皮仍然脆, 啲肉醃得稍鹹, 尚可接受, 食得出有陣炭燒味道, 但因為唔係現宰新鮮豬肉, 混合唔到種香氣出嚟, 話雖如此, 但唔用凍肉用鮮肉, 起碼賣貴廿幾卅蚊, 咁就會少咗人會幫襯, 講返啲咸雞, 唔記得嗌走翼, 咁啱就係中咗, 但既來之, 則安之, 睇落嗰幾件雞翼啲皮無擺到乾哂, 啲肉咬落唔嚡又唔會太過冧, 仲帶點咸香, 真係大喜過望。
如果未食過炭燒嘅味道, 還是可以嚟試一試。
张贴
