餐廳內裝修色彩繽紛 掛左好多吾同顏色圖案既燈籠 見到都開心!
✨堂煮壽喜燒(先煎後湯)
今日主要黎係好想試下呢個壽喜燒 日本A4黑毛和牛!!! 大大塊色澤好靚 油脂均勻豐富!
店員非常仔細地幫我地即製 先將大蔥洋蔥用牛既脂肪粒爆起 加點壽喜燒醬汁 再逐片和牛放入半煎煮 食前撈入生蛋黃! 非常好食! 牛味突出 又滑又香!
食完哂牛之後店員會幫我地加入湯底 烹煮蔬菜!
✨田樂燒茄子
茄子燒到岩岩好 皮脆內JUICY 上面加左D秘製麵鼓醬 好夾好食!
✨大蝦天婦羅
炸粉比例剛好 不會有油膩感 蝦都好彈牙既
✨北海道花魚一夜干
係香港比較少見一夜干 見度呢度有即叫! 鐘意佢D魚肉堅實有口感 大大條好觧甜
✨鹽燒白鱔
鱔夠新鮮好爽口!
✨月見和牛棒
朋友至愛 牛味濃 外皮焦脆，內𥚃肉味香濃! 撈入生蛋黃醬油 倍感滑溜!
另外叫左幾樣串燒 都燒得吾錯!
✨柚子鹽黑豚肉串
✨汁燒薩摩雞肉
✨鹽燒薩摩雞腎
整體呢間居酒屋性價比都幾高 同朋友來飲下酒食下串燒鍋物RELAX下好爽
重點一題 我地今日早左黎開餐 店員話原來而家只要係7PM前賣單或10PM後入座 正價既食品8折! 生啤買一送一 ! 仲有每日指定火鍋半價添! 所以真係好抵!
