土司工坊

太晏先食下午茶，到晚餐時間仲未肚餓，行左好耐都諗唔到食咩，淨係想飲野，就諗起土司工坊的南洋咖啡，雖然唔可以成杯飲，但飲一兩啖已經好滿足。
$40 套餐︰點左咖啡+煉奶，咖啡好香，煉奶夠甜又有奶味，入口香滑，水準仲keep到；餐蛋麵，麻麻地，個麵係冇味，只係普通公仔麵，要轉出前一丁竟然要再加錢，呢個價錢係唔抵。
$16 煉奶花生醬厚多士︰煉奶&花生醬的份量都多，每一小塊都平均塗滿，麵包邊脆脆，都算香口，而且預先切開，share食都好方便
$12 炸雞翼︰跟餐小食，3隻炸雞翼，香脆好味，熱辣辣即炸，$4一隻都可以接受