The Place

今晚我們突然想食自助餐，所以我們去咗旺角香港康得思酒店嘅「The Place」食宵夜自助餐！由於我們係即興無訂位嘅關係，諗著嘗試吓，門口嗰位小姐開頭微笑著咁話無位，但我們講話好想食，之後嗰位小姐就話可以安排到坐位畀我們！除咗門口呢位小姐之外，其他嘅店員嘅服務態度都係一樣咁親切有禮！由於係宵夜自助餐，所以款式種類比晚餐嘅少咗啲，但都算幾多！有新鮮即開生蠔，每人可以攞6隻，而且係源源不絕咁供應，態度值得一讚！生蠔嘅肉質極之肥美肉厚，味道超級鮮甜！中式老火湯煲得火候十足，湯底味道非常濃郁！菜乾豬骨粥煲得好綿，材料相當豐富！甜品：各款蛋糕嘅賣相好色彩鮮艷吸引！另外有師傅即叫即做嘅紅豆銅鑼燒，餅質超香滑鬆軟，包著香甜軟滑嘅紅豆蓉一齊食，真係好好味呀！