刀鋒寶貝 (已結業)

早前幫朋友一大忙，今晚時辰到佢答謝番我，請左我落佢住所樓下食。刀鋒寶貝店名奇怪，起初我以為炒小菜，去到先知係食車仔麵，感覺有啲九唔搭八。小店細細間二百尺左右，格局如深深一條巷，環境光鮮雜物唔見。點餐紙有兩張，部份餸當晚賣晒。我就唔客氣幾乎全部圈晒。朋友滴了汗，我就話唔怕點晒都係二百蚊，你出錢我出命，最緊要有個黑洞肚ＫＯ晒全部負責任反而更重要，當然我有信心先會咁圈。油麵配担担麵湯 $47朋友食的五餸麵我試了口担担麵湯底味道唔錯，油麵無食我說不出。餸料有酸菜、蜂巢豆腐、鼓油王大腸、炸魚肉雲吞和咖哩魚蛋。加了酸菜確係開胃，蜂巢豆腐第一次食好有嚼口，但就唔多索汁我諗配濃汁夾啲，鼓油王大腸洗得乾淨無怪味相當入味，新推出的炸魚肉雲吞兩粒賣相好得，好有魚肉味連埋雲吞皮一起食口感全面非常好味，咖哩魚蛋異常出色，咖哩汁香料十足魚蛋入晒味，似食緊泰式魚餅咁香口，魚蛋都好珍貴得兩粒有點唔夠喉。米粉配喇沙湯 $47米粉呈半透幼身口感細緻爽口，可惜喇沙湯唔濃欠點椰奶香。餸料有溏心蛋、滷肉、豆卜、豬軟骨和魚腐。溏心蛋黃呈膏狀交到功課。滷肉好碎撈散左落湯化整為零食唔到有點可惜，豬軟骨好淋好入味，豆卜無切半原件上有點