麻辣風雲 (荃碧大廈) (已結業)

今日同屋企人提早食母親節大餐嚟到麻辣風雲食川菜點解會嚟麻辣風雲呢，因為我阿媽係四川人。佢已經同我講話好掛住家鄉嘅菜式講咗幾個月㗎啦今日為表誠意所以帶佢黎麻辣風雲呢度試一試！今日就叫咗我阿媽最鍾意食嘅紅薯粉，呢度嘅紅薯粉係用咗秘製麻辣醬汁去炒制而成嘅！薯粉嘅軟硬度適中煙煙韌韌嘅感覺我超級鍾意呀！而且佢哋嘅秘製麻辣醬汁真係食到我哋個嘴紅卜卜啊！另外我哋就叫咗佢哋嘅炸饅頭我上網已經見過人哋推介佢哋嘅炸饅頭㗎啦，因為佢哋嘅炸饅頭好特別㗎除咗用隻船裝住之外，佢仲要係炸到金黃香口，外脆內軟！最後我哋仲叫咗一份紅糖糍粑呢份糍粑除咗賣相吸引之外味道亦都好吸引㗎 ！有一份好味嘅甜點確實係一個非常完美嘅結局！