肯德基家鄉雞 (KFC) (已結業)

隔離台排炸雞排到痴左線，咁唯有食返始祖家鄉雞啦，其實新鮮炸起嘅話兩間都差唔多味啫。39蚊三件雞餐，好平，雞好大舊，好脆，辣辣地好味。個餐無啦啦有醬揀，咁揀佢地個新野青芥末沙律醬，黎到咪又係甜醬，問下個店員，佢話無晒，咁又比人揀？是但啦，其實都唔點嘅，問下啫。另外同事食左個雞扒蘑菇飯，30蚊咋仲想點，好大桶飯囉，唔夠汁去食晒啲飯，食到底係度食白飯。emax呢間分店係人多定咩原因，黎兩次都有人打瀉汽水，個地黐立立。