影片
更多
2021-10-12
3513 浏览
樓面人手極度不足，捺鐘叫人冇人應，而且漏單問題嚴重，炸雞未上已經叫咗跟set嘢飲汽水，食炸雞食到一半醒起嘢飲未上，要催侍應。跟set沙律漏單更加嚴重，同樣食炸雞食到一半醒起有沙律，但食晒所有嘢食炸雞都未上，最後催咗兩次，等多10分鐘終於上菜。我估應該唔係廚房問題，因為食嘢途中見到有出過沙律俾隔離枱。*BBU-LINKLE PLATTER $338BBU-LINKLE CHICKEN炸雞新鮮炸起，一食差啲俾啲芝士粉嗆親，芝士粉鹹鹹地，奶味撲鼻，非常重口味。炸雞皮非常厚，脆到硬，而且雞肉肉質非常乾柴，無論係大雞胸，小雞柳，雞翼仔都非常乾，而且雞肉味淡，味道完全靠外層嘅芝士粉。BHC SPECIAL FRIES, CHEESE BALL全場最好食！芝士波外面係甜糯米麵皮，炸到香脆，煙煙韌韌，咬開一半係大塊mozzarella cheese拉絲，絕對唔係空心芝士波。甜鹹配搭，係經典韓式配搭！薯條係粗條波浪紋薯條，外層少少脆，入面軟糯，波浪紋掛住啲芝士粉，份量恰到好處，食到芝士粉鹹香味又食到薯仔味。COBB SALAD羅馬生菜做底，三至四片乾柴無味雞胸肉片，雪藏彈牙蝦，半隻烚蛋，幾塊牛油果同蕃茄
*
BBU-LINKLE PLATTER $338
BBU-LINKLE CHICKEN
炸雞新鮮炸起，一食差啲俾啲芝士粉嗆親，芝士粉鹹鹹地，奶味撲鼻，非常重口味。炸雞皮非常厚，脆到硬，而且雞肉肉質非常乾柴，無論係大雞胸，小雞柳，雞翼仔都非常乾，而且雞肉味淡，味道完全靠外層嘅芝士粉。
BHC SPECIAL FRIES, CHEESE BALL
全場最好食！芝士波外面係甜糯米麵皮，炸到香脆，煙煙韌韌，咬開一半係大塊mozzarella cheese拉絲，絕對唔係空心芝士波。甜鹹配搭，係經典韓式配搭！
薯條係粗條波浪紋薯條，外層少少脆，入面軟糯，波浪紋掛住啲芝士粉，份量恰到好處，食到芝士粉鹹香味又食到薯仔味。
COBB SALAD
羅馬生菜做底，三至四片乾柴無味雞胸肉片，雪藏彈牙蝦，半隻烚蛋，幾塊牛油果同蕃茄，黑橄欖青橄欖，煙肉碎洋蔥絲青瓜絲，配埋沙律汁同芝士絲，係一個非常分離嘅沙律，唔講以為自己係斑馬喺非洲大草原食緊草。
HALF & HALF (RETRO & SWEET PICK ME) $188
RETRO 原味
炸雞皮比BBU-LINKLE嘅炸雞更加厚，更加硬，雞肉同樣乾柴，雞肉味淡而且調味相對淡。
SWEET PICK ME 甜酸汁
炸雞皮厚肉柴嘅問題同樣存在，甜酸汁係咕嚕肉嘅汁，但佢嘅汁偏死甜，得啲啲酸味。
张贴
