幸茶舍 (已結業)

嚟南昌探朋友，等朋友時又見餓餓哋，入咗去商場度搵食，見到間裝修到好靚嘅珍珠奶茶店，即刻心心眼。買咗日本脆梅果茶同炸雞花枝丸雙拼。台式梅子飲品好多時都係用話梅，呢間用咗日本脆梅，由陳舊話梅變咗清新脆梅，感覺當堂唔同晒，超級解渴。不過最好味嘅係炸雞同花枝丸炸雞外脆內軟，有四隻味粉揀，個人比較鍾意鹽酥味，炸花枝丸個咸度啱啱好，係炸雞可能係啲雞本身有醃過，加埋鹽酥雞粉就略咸咗啲啲。整體嚟講都係好味，下次會試埋黑糖珍珠奶茶同炸雞軟骨！