韓閣 (富裕樓) (已結業)

今日終於嚟到呢間久仰大名嘅”韓閣”！一路都有聽朋友介紹呢間係一間性格比好高嘅韓式餐廳，但每次經過，都會大排長龍！今次我就特登同朋友約平日早少少嘅時間，相對比平時少人就唔使等咁耐！一入到去，當然要量體溫，店員態度十分有禮貌，好快我哋就已經落order...我哋點咗一份炸雞，一個炒飯豬仔骨....首先上碟嘅係芝士岩漿炒飯，芝士分量十足，再拌匀泡菜炒飯 ，十分惹味，而且味道唔會太鹹！至於另一個吸引嘅當然係芝士配豬仔脾！芝士係由兩種唔同嘅芝士放喺一個就岩石盤用火燒溶，睇見芝士一路溶，再用豬仔脾點，當然有拉絲效果！味道配搭一流，唔會太漏，而且豬仔脾肉淋，易入口！最後，當然係主角韓式炸雞！我哋點咗大熱蜂蜜牛油味炸雞，牛油味香加上蜂蜜味嘅清甜，配上炸雞感覺唔會重油膩感 而且炸雞皮脆口，雞肉依然嫩滑juicy! 真係好出色嘅炸雞！係必點之選！呢間真係排隊都要試嘅必食韓國餐廳！