HAHA CHICKEN 하하치킨 (順發居) (已結業)

最近好想食韓式炸雞，見係深水埗附近有呢間外賣炸雞小店，有多款味道選擇，就決定試下～長沙灣地鐵站行幾分鐘就到！呢度嘅炸雞都係即叫即炸，所以落單都要等15分鐘，今次就叫咗半半炸雞，有甜辣及原味招牌炸雞，另外再加半份蒜香酥炸魷魚。半份甜辣炸雞，都有7－8件無骨雞，醬汁均勻包著雞皮，咬開裡面幾juicy, 味道偏甜唔辣，熱辣辣。招牌炸雞，跟咗個芥末蜜糖醬，炸漿唔厚，就算唔坫芥末蜜糖醬都好夠味，反而覺得原味比甜辣更好食！酥炸魷魚，魷魚彈牙唔韌，不過如果蒜香味再重啲會更好！原來呢間仲可以用網上外賣平台叫外賣，想食隨時都食到啦，超方便！