影片
更多
2023-12-06
76 浏览
而家真系好難得先會入大埔，經過大埔超級城，見到呢間橙色好搶眼嘅韓國炸雞店，有幾個學生企喺門口睇餐牌，吸引我都去望吓有乜食，見到好多味道選擇嘅炸雞，套餐仲配埋薯條，雖然邪惡，但係超級想食，一於外賣返屋企！炸雞店門面唔算大，但係裝修設計好精神，一望入去就係點餐區，上面仲有燈箱餐牌，好有外國快餐店feel，左右兩邊有三張二人枱、2張高凳位嘅長枱，比客人用餐，當然外賣都得！✔️韓式炸雞套餐$118套餐包括酸蘿蔔、炸薯條、炸雞、罐裝飲品。炸雞有九種味道供選擇，另可選6件或12件有骨炸雞或無骨炸雞腿肉。每種味道都好似好吸引，想試多種味道，於是揀咗無骨嘅半半炸雞，經典甜辣、蜂蜜牛油味各6件。雞件即點即炸，隔住外賣盒都感受到熱辣辣，甜辣味炸雞被濃郁的甜醬、辣椒醬混合而成嘅醬汁完全包裹，好有韓國風味，盡快食用外皮好香脆，入面雞肉保持到水份夠滑嫩。辣味算溫和，但食落又好開胃。鐘意食甜美炸雞嘅口味，蜂蜜牛油味就啱曬！呢種口味嘅雞件較乾身，蜜糖和牛油應該混合咗麵粉或雞粉一齊炸，最後喺上面灑上大量糖粉，香口得來又香甜，自己好鐘意呢種口味！薯條都唔錯，不斷散發油炸嘅薯仔香氣，一條條長長的，好重薯仔味之餘又有鹽嘅咸香
✔️韓式炸雞套餐$118
套餐包括酸蘿蔔、炸薯條、炸雞、罐裝飲品。炸雞有九種味道供選擇，另可選6件或12件有骨炸雞或無骨炸雞腿肉。每種味道都好似好吸引，想試多種味道，於是揀咗無骨嘅半半炸雞，經典甜辣、蜂蜜牛油味各6件。雞件即點即炸，隔住外賣盒都感受到熱辣辣，甜辣味炸雞被濃郁的甜醬、辣椒醬混合而成嘅醬汁完全包裹，好有韓國風味，盡快食用外皮好香脆，入面雞肉保持到水份夠滑嫩。辣味算溫和，但食落又好開胃。鐘意食甜美炸雞嘅口味，蜂蜜牛油味就啱曬！呢種口味嘅雞件較乾身，蜜糖和牛油應該混合咗麵粉或雞粉一齊炸，最後喺上面灑上大量糖粉，香口得來又香甜，自己好鐘意呢種口味！
薯條都唔錯，不斷散發油炸嘅薯仔香氣，一條條長長的，好重薯仔味之餘又有鹽嘅咸香，好味！
✔️泡菜炒飯餐$53
泡菜飯單買$48 ，加$5升級套餐，會有酸蘿蔔、罐裝飲品。醬油與炒飯均勻混合，味道豐富，飯粒唔黐身、粒粒分明。炒飯混和了切片腸仔、泡菜粒，上面鋪上大量紫菜條、芝麻、雞蛋，增加炒飯多樣性！
张贴
