臺坊

营业中

休息中

今日行過太和食午餐，見到呢間好多人排隊，應該都唔錯。等咗一陣好快就入得，叫咗個鹽酥雞肉燥飯，鹽酥雞炸得好香，而且都好多吓，肉燥肥瘦適中，撈埋啲飯食幾美味。朋友叫咗個紅燒牛肉麵，個湯底冇得頂，超級香濃嘅牛肉湯味，牛肉有幾舊，食落去好鮮味，蘿蔔都係好新鮮，唔錯。另外叫咗兩樣小食，海苔炸魷魚鬚，呢個好好味，又好邪惡，由於有啲紫菜喺上面，佢鹹鹹地而且好香脆，煙煙韌韌唔覺唔覺就食咗好多。炸花枝丸都揸得好好，雖然得五粒，但係每粒都好大粒，揸到入邊熱辣辣，咬落去好彈牙，送埋台式飲品好好味！我仲叫咗香芋珍珠奶茶，香芋味好濃郁，同奶茶好夾。