影片
更多
2020-10-19
3056 浏览
喺社交網站成日見到不少人提及呢間burger shop，原來係因為入選咗 「全球最佳漢堡2020」，而且仲係香港唯一上榜嘅代表，估唔到咁堅喎🤩既然去開南豐紗廠扮文青，咁就梗係順便去埋Honbo朝聖啦😎可能太晏先到，店內食客無預期咁多，唔使等位就可即刻入座！🍔芝士漢堡 + 炸薯條及汽水套餐（$88 + $25）呢款漢堡有芝士、酸瓜、洋蔥、生菜及自製醬汁，當然唔少得手打嘅牛肉漢堡啦！手打嘅牛肉漢堡會食到有少少筋，但因為牛肉漢堡唔會煮得過熟，能保持到豐富嘅肉汁及軟嫩嘅口感，所以就算有少少筋都完全唔會覺得有乜影響👍🏻最鍾意嗰包面層輕脆，內裏鬆軟，其他配料亦令整個漢堡嘅口感及味道都提升咗，越食越開胃惹味😋薯條雖然唔係我最鍾意嘅厚切，但勝在新鮮即炸，都幾香脆熱辣，係幾好食嘅😋🍔炸蠔漢堡 + 捲心菜沙律及汽水套餐（$108 + $35）揀呢款漢堡純粹係覺得平時好少見，抱住試吓無妨嘅心態，但無諗過令人咁有驚喜🤩嗰包同芝士漢堡嘅一樣咁好食，另外仲有3隻脹卜卜又炸到金黃色嘅生蠔，生蠔都幾飽滿，蠔味又濃又juicy，每一啖都食到鮮嫩嘅炸蠔😋而且配搭咗啲椰菜絲及明太子他他醬，不但無咗油膩感，仲越食越滋味，諗返
既然去開南豐紗廠扮文青，咁就梗係順便去埋Honbo朝聖啦😎可能太晏先到，店內食客無預期咁多，唔使等位就可即刻入座！
🍔芝士漢堡 + 炸薯條及汽水套餐（$88 + $25）
呢款漢堡有芝士、酸瓜、洋蔥、生菜及自製醬汁，當然唔少得手打嘅牛肉漢堡啦！手打嘅牛肉漢堡會食到有少少筋，但因為牛肉漢堡唔會煮得過熟，能保持到豐富嘅肉汁及軟嫩嘅口感，所以就算有少少筋都完全唔會覺得有乜影響👍🏻最鍾意嗰包面層輕脆，內裏鬆軟，其他配料亦令整個漢堡嘅口感及味道都提升咗，越食越開胃惹味😋
薯條雖然唔係我最鍾意嘅厚切，但勝在新鮮即炸，都幾香脆熱辣，係幾好食嘅😋
🍔炸蠔漢堡 + 捲心菜沙律及汽水套餐（$108 + $35）
揀呢款漢堡純粹係覺得平時好少見，抱住試吓無妨嘅心態，但無諗過令人咁有驚喜🤩
嗰包同芝士漢堡嘅一樣咁好食，另外仲有3隻脹卜卜又炸到金黃色嘅生蠔，生蠔都幾飽滿，蠔味又濃又juicy，每一啖都食到鮮嫩嘅炸蠔😋而且配搭咗啲椰菜絲及明太子他他醬，不但無咗油膩感，仲越食越滋味，諗返起都流口水🤤真係超級推薦👍🏻👍🏻👍🏻
始終漢堡或薯條會比較油膩及heavy，所以就揀咗捲心菜沙律中和一下，捲心菜都幾新鮮，配上沙律醬一齊食都幾開胃😋
呢間burger shop真係唔錯，不愧入選「全球最佳漢堡2020」之一👍🏻
张贴
