大呷台灣 (已結業)

Lunch個陣去左大館附近買飯，經過見到呢間台灣野都幾吸引，放工就即刻去左試🤪。大呷台灣入面都幾光猛，感覺幾乾淨舒服。-大呷紅燒筋肉雙盛牛肉麵 $98食台灣菜當然要試下佢地既牛肉麵🤨，湯底甜甜地幾香，牛肉味濃郁，麵條彈牙又掛到湯🍜，牛𦟌雖然好厚好大塊，但唔會好韌，好易咬。牛筋淋得黎有咬口，仲帶少少膠質🥰。-鮮茄濃湯雞扒蕃茄麵 $88一飲就知個湯頭係真材實料用蕃茄熬出黎🍅，雖然唔係有蕃茄蓉喺入面個種，但依然飲得到蕃茄濃濃既鮮甜味。同埋估唔到連個麵都係用蕃茄整🍜，橙紅色既蕃茄麵甜甜香香，唔錯。．大呷既炸物做到得非常好，雞扒外面層炸粉好薄😍，唔會炸到皮肉分離，咬入口仲有少少Juicy既感覺！而且大大塊，切開都分到有七八舊，好抵食🥢。-香烤蚵仔酥 $68蚵仔洗得好乾淨，唔會有蠔臭味，仲食到少少鮮甜味🌊！仲要每粒都沾滿炸漿，炸到金金黃黃，食落好惹味。-鹽酥豆腐粒 $48豆腐粒豆味香濃，炸粉薄，做到外脆內軟既感覺🥳～不過淮鹽落得有點多，有啲咸。-紫心地瓜粒粒芋頭 $33甜度適中，香芋味都算濃郁，好多粒芋頭粒係底！-桂花烏龍冷泡茶 $33桂花味好濃，烏龍茶底帶少少甘香🍵，比我想像中更好飲。