影片
更多
2020-12-02
46 浏览
<<Daily 豬仔為食記🐖>> 今日去咗荃灣同朋友行街，無意中比我發現呢間台式餐廳，好似係新開嘅叫做你妳，我見到外面紫色嘅招牌，同埋都幾多人排隊，一諗起台灣野呢就諗起我最鍾意食嘅芋頭！🥳🤣我呢個芋頭控又點會錯過呢！之後見到佢有手作紫芋鮮奶好吸引，所以就係因為呢杯鮮奶，所以我哋坐咗入去，食左個下午茶啦！講真，下午茶黎講，都有少少偏貴，份量唔多，但係都要成五，六十蚊，但佢嘅選擇都幾多，又有甜食啦，吐司啦，或者係飯同面都有嘅。嗰日同朋友揀咗一個仙草2號，就係比較正正常常，而佢嘅芋圓都幾彈牙，佢燒仙草都幾夠甜味，加埋有紅豆泥，提升成個甜品嘅味道，唔係死甜。之後另外就加咗個炸物拼盤，入面有花枝丸，甜不辣同埋蝦卷，幾樣野都幾好味嘅，而佢個炸皮都比較薄身，但嫌佢唔夠脆。之後就仲叫咗個小魯肉飯餐，跟埋一個鹽酥雞，炸蝦拼盤，佢嘅鹽酥雞都幾香脆，但佢嘅調味就偏向清淡少少，而滷肉飯呢，就係真係好細碗，for下午茶嘅，佢嘅汁嘅味唔夠多，但係唯一一個好驚喜，就係佢有隻糖心蛋，煮得幾唔錯，裏面嘅糖心真係好吸引，個味好入味！跟住重頭戲就係個杯手作紫芋鮮奶，嗰個野就真係好得啦！裏面嘅
今日去咗荃灣同朋友行街，無意中比我發現呢間台式餐廳，好似係新開嘅叫做你妳，我見到外面紫色嘅招牌，同埋都幾多人排隊，一諗起台灣野呢就諗起我最鍾意食嘅芋頭！🥳🤣我呢個芋頭控又點會錯過呢！
之後見到佢有手作紫芋鮮奶好吸引，所以就係因為呢杯鮮奶，所以我哋坐咗入去，食左個下午茶啦！講真，下午茶黎講，都有少少偏貴，份量唔多，但係都要成五，六十蚊，但佢嘅選擇都幾多，又有甜食啦，吐司啦，或者係飯同面都有嘅。
嗰日同朋友揀咗一個仙草2號，就係比較正正常常，而佢嘅芋圓都幾彈牙，佢燒仙草都幾夠甜味，加埋有紅豆泥，提升成個甜品嘅味道，唔係死甜。之後另外就加咗個炸物拼盤，入面有花枝丸，甜不辣同埋蝦卷，幾樣野都幾好味嘅，而佢個炸皮都比較薄身，但嫌佢唔夠脆。之後就仲叫咗個小魯肉飯餐，跟埋一個鹽酥雞，炸蝦拼盤，佢嘅鹽酥雞都幾香脆，但佢嘅調味就偏向清淡少少，而滷肉飯呢，就係真係好細碗，for下午茶嘅，佢嘅汁嘅味唔夠多，但係唯一一個好驚喜，就係佢有隻糖心蛋，煮得幾唔錯，裏面嘅糖心真係好吸引，個味好入味！
跟住重頭戲就係個杯手作紫芋鮮奶，嗰個野就真係好得啦！裏面嘅紫薯同埋芋泥都整得好琳，好smooth！飲落去呢就同啲鮮奶一拍即合！同出面一般淨係整大甲芋頭鮮奶，佢就多咗浸紫薯味咁，其實都幾夾嘅真係！所以建議大家試吓黎杯！都只係需要加少少錢，但係我覺得值一試嘅😎😎🤩
张贴