經OpenRice訂，平日單點6:00前有75折，6:30之後有8折，不包括飲品同套餐。
問店員邊款魚比較嫩滑，佢建議大比目魚或者鱸魚，大比目魚就比較肥，鱸魚冇咁肥，我揀咗大比目魚😁 同之前一樣炸漿薄脆，薯條熱辣辣，外脆內軟，兩樣都好好食😋😋 我嘅大比目魚明顯比男友嘅藍鱈魚嫩滑，佢嘅藍鱈魚相對肉質比較實啲🤭 今次另外加咗個炸生蠔，都好味😋 可能因為我食咗5隻炸生蠔，幾乎食唔晒條炸魚🤪🤣🤣 下次食吓鱸魚先，睇吓會唔會冇咁肥膩，啲薯條唔使求救😝 不過炸魚同薯條都比較熱氣，唔可以成日食，要隔返一排先😬
