低温揚げ　白とんかつ　白桜 (已結業)

中環嘅低温揚げ 白とんかつ 白桜，開宗明義咁話畀大家知，呢度嘅招牌菜係低溫炸（低温揚げ）白豬扒（白とんかつ）！上次試咗炸豬扒，味道同埋口感頗為驚艷！今次試下炸海鮮set，嚟個不一樣嘅體驗！Seafood膳 $600所有炸物均由日本主廚處理，由清洗材料、去殼去腸、上粉、到炸嘅時間，都係由主廚一手包辦，出品有保證！有別於炸豬扒，海鮮係以高溫去炸，炸漿同樣都係白色，薄身又夠脆，真係大師級水準！套餐包括前菜、漬物、湯品、飯、椰菜絲、同埋主菜，份量豐盛！前菜Amela蕃茄經一夜漬處理，配高湯啫喱，香甜爆汁，令人味蕾大開！漬物是日漬物有兩款，分別係大根漬同埋日本芥菜漬，都係送飯嘅良品！湯品 & 飯熱辣辣嘅麵豉湯，內含大量肉碎，肉甜味出眾！而飯可選白飯或十六榖飯！椰菜絲切得夠幼身，將原本口感較為堅硬嘅椰菜，變得濕潤可口，菜甜味出晒嚟，堅正！主菜Seadfood膳嘅主菜有蝦、蟹鉗、蠔、蜆、沙錐魚各一！炸蝦 - 大大隻，口感爽彈，蝦嘅甜味濃郁！炸蟹鉗 - 蟹鉗啖啖肉，鮮味真係唔講得笑！炸蜆 - 巨型嘅蜆肉，大到炸完可以切開兩件，彈牙美味！炸蠔 - 完美咁鎖住濃香嘅蠔汁！炸沙錐魚 - 肉質結實鮮甜！