發記粥麵

营业中

休息中

聽講呢間舖頭嘅出品唔錯，今日走上來試試。叫咗個及第粥， 覺得食一碗粥好似好寡咁， 所以叫多個炸兩，寫單姨姨好奇怪咁望住我，原來佢驚我一個人叫得多得滯，提議我食炸壹， 話幫我問下師傅做唔做， 結果就寫咗炸壹畀我啦。炸壹其實係用一條油炸鬼， 炸兩就係兩條(一孖)油炸鬼 ，包嘅腸粉份量係一樣。 油炸鬼好脆 ，加上滑滑嘅腸粉， 仲有甜豉油 ，好味到我好快就食曬成碟至於個及第粥 ，真係好大碗。生滾粥底， 好綿好好味 ，裡面啲材料又多又唔過熟。 其實食咗細半碗已經飽曬 。唔好嘥嘢 ，拎返屋企慢慢再食。