僕之拉麵 (已結業)

今日喺旺角上堂，見到附近有間拉麵店就入去試一試😛 一向都鍾情於重口味嘅湯底，今次就揀咗豚骨濃湯+特選拉麵，有1.5倍份量嘅叉燒+火灸叉燒+蔥+筍+蛋。湯頭唔會特別鹹，炙燒叉燒好靚咁擺喺湯上面，令人好有食慾。炙燒過有油香。麵條正常軟硬度，唔算特別彈牙。值得一讚嘅係1.5倍既叉燒，入口爽，有嚼勁，溏心蛋有整整一粒！食得好滿足！唔係用蔥粒，用蔥絲，味道唔錯，清新得黎唔會苦。炸八爪魚配沙律醬，配檸檬汁就清新，絕對可以encore😋 炸粉唔會有令人熱氣，油膩感覺，食完一舊，即刻想再食第二舊。