炯記燒味

营业中

休息中

難得有假放，當然要出外閒逛，郁動下搵下美食，行經尖沙咀樂道呢度，原來有間#炯記，記得佢哋嘅出品一向都有質素，路過就唔好錯過啦，一於進入食番餐囉☺️。餐廳的二人套餐相當抵食，但今次想食煙燻燒鵝🦢，就叫左原隻煙燻燒鵝髀撈麵 ，燒鵝髀位見到口水流，肥瘦適中，外皮非常之可口香脆，咬落肉汁豐富，肉質柔軟嫩滑，好食😋極推介👍。配了太子鵝油撈粗麵，很貼心的加了2條菜芯，撈麵有鵝油撈勻，唔會乾身味好香，條條麵都沾上醬汁，麵好大碗2人分享都得☺️。友人叫左豬手瀨粉，2大隻豬手，我當然會試一舊🤭，豬手煮得很淋又入味，豬皮好淋☺️肉質嫩滑，好吃啊😋。配上是日例湯，湯料幾豐富，有青紅蘿蔔🥕、粟米🌽同埋雞腳，飲落都幾清甜。酸辣雲耳，估佢唔到都幾辣下，爽口帶酸酸辣辣的好開胃。冬菇扒生菜，冬菇炆得入味，生菜🥬撈埋菇🍄汁味道剛剛好。老友的凍奶茶，說茶香順滑。我則點了至愛的凍檸茶🥳。價錢實惠，若將軍澳同觀塘綫都開就開心晒☺️。