canton pot (已結業)

炮彈邊爐，一入到店舖，就見到店真係夠曬大，位置充足，夠曬氣勢，打邊爐最緊要係乜？係勢呀 HAHAHA！！講返正題先，呢間邊爐黎講除左環境好之後，就係佢d料都唔錯，所以都值得一黎。首先，個人鐘意佢個爐，正確d黎講係佢張枱，個爐位係做低左一格嫁，因為預左上面係放爐，唔想食客要抬高隻手去夾野，呢一點非常之細心，就算好多專業邊爐舖都無做到，呢個設計真係夠曬人性化。湯底方面，呢度就主打d健康既養生湯底既，比起出面d咩臭臭鍋呀，食起上黎就健康好多，唔會吸收到咁多鈉，你知喇依家好多後生既都有機會有大腸癌嫁，所以健康飲食好重要，叫左佢個清椰子雞湯，一開波飲左幾啖，好清好鮮甜，椰子味都好出，而且仲有大半隻雞可以食用。牛方面，由色水睇得出都保存得唔錯，食落都算okay。