影片
更多
2022-03-19
523 浏览
之前有一段時間，經常會過嚟炮台山搵食，不過自從第 5 波疫情爆發後，近排都減少咗出街，盡量留家自煮。早前聽朋友講，蜆殼街新開咗間以粉紅色為主調嘅冰室，食物水準唔錯，質素高又好味，所以趁今日要嚟炮台山辦點事，就順便過嚟試下。餐牌以飯同意粉為主，另外亦有全日早餐、常餐、特餐、茶餐、三文治、菠蘿包、多士及飲品等供應，選擇好豐富。蒲燒鰻魚滑蛋飯 ($70)：條鰻魚燒得好香口，既油潤又肥美，入口外脆內嫩，而且份量亦不少，用上原條鰻魚炮製，非常厚身，配埋面頭微甜嘅醬汁同嫩滑嘅炒蛋一齊食，非常滋味。另外呢個蔥油雞扒餐肉太陽蛋飯 ($59) 賣相亦非常吸引，雞扒煎至兩面金黃，入口皮脆肉嫩；餐肉有厚度，邊位夠脆，肉質軟腍，配上清香嘅蔥油同完美流心嘅太陽蛋，真係無得輸，送飯一流！平時去快餐店都好鍾意點焗豬扒飯食，呢度嘅芝士焗鮮茄豬扒飯 ($62) 亦做得非常出色。豬扒調味得宜，厚切有口感；飯底粒粒分明有香氣。配料平衡豐富，有番茄、蘑菇、洋蔥、蛋絲等；醬汁濃度亦剛好，入口酸甜適中，用嚟拌飯不錯。食完再嘆番杯香滑嘅熱奶茶 (跟餐+$3) 大滿足！
早前聽朋友講，蜆殼街新開咗間以粉紅色為主調嘅冰室，食物水準唔錯，質素高又好味，所以趁今日要嚟炮台山辦點事，就順便過嚟試下。
餐牌以飯同意粉為主，另外亦有全日早餐、常餐、特餐、茶餐、三文治、菠蘿包、多士及飲品等供應，選擇好豐富。
蒲燒鰻魚滑蛋飯 ($70)：條鰻魚燒得好香口，既油潤又肥美，入口外脆內嫩，而且份量亦不少，用上原條鰻魚炮製，非常厚身，配埋面頭微甜嘅醬汁同嫩滑嘅炒蛋一齊食，非常滋味。
另外呢個蔥油雞扒餐肉太陽蛋飯 ($59) 賣相亦非常吸引，雞扒煎至兩面金黃，入口皮脆肉嫩；餐肉有厚度，邊位夠脆，肉質軟腍，配上清香嘅蔥油同完美流心嘅太陽蛋，真係無得輸，送飯一流！
平時去快餐店都好鍾意點焗豬扒飯食，呢度嘅芝士焗鮮茄豬扒飯 ($62) 亦做得非常出色。
豬扒調味得宜，厚切有口感；飯底粒粒分明有香氣。配料平衡豐富，有番茄、蘑菇、洋蔥、蛋絲等；醬汁濃度亦剛好，入口酸甜適中，用嚟拌飯不錯。
食完再嘆番杯香滑嘅熱奶茶 (跟餐+$3) 大滿足！
张贴
