店鋪離炮台山地鐵站大概5分鐘路程，見到水星街轉入去就會見到餐廳。
店內有好多狸貓擺設，裝修採用日本樓房設計，相當有氣氛。
環境闊落，座位坐得都幾舒服，上菜速度都幾快，相信坐外面都好有氣氛。
2
<豚肉壽喜燒鍋> $58 ($10 芒果綠茶)
加多$10轉烏冬，上枱時熱辣辣，湯底味道夠濃郁，並帶有蔬菜清甜味，撈勻生雞蛋。
<芝麻蝦多士配威士忌> $36
蝦多士一入口feel到好飽滿蝦肉，表面沾滿黑白色芝麻，蝦肉彈牙煙韌，點埋個威士忌汁味道一流。
<蟹籽溏心蛋> $22
溏心蛋完美流心，加埋蟹籽，令口感更具層次。
<荔枝煙肉卷> $22
荔枝加煙肉喺好新鮮既配搭！荔枝汁既香甜正好中和煙肉既鹹味，非常特別，亦喺最難忘嘅其中一款串燒。
<鹽燒三文魚腩> $39
三文魚腩外層皮香脆可口，魚腩油脂豐富，加些檸檬汁/點伴隨的醬汁食。
<溫泉蛋肉醬牛肉飯> $52（+$10青蘋果綠茶）
肉醬牛肉飯喺日式洋風菜式，就算叫咗小飯份量仍然十足。
將溫泉蛋﹑肉醬同飯全部拌勻，既食到肉醬，又有溫泉蛋柔和既味道。
青蘋果綠茶帶有微微既青蘋果味道，但又能飲到茶既回甘，唔錯。
<吉列黃金蝦(配手作他他汁)> $36
蝦子食落爽脆，蝦味突出。炸物果然喺新鮮即炸即食最好味。
<和風辛味軟殼蟹(配辣蟹籽醬)> $52
軟殼蟹一啖咬落去外脆内軟，辣蟹籽醬的更是畫龍點睛，令其冇咁油膩。
<吉列炸芝士(配威士忌汁)> $35
外皮鬆脆，內裏芝士軟糯❤️不過相比起前面嘅炸物就略為普通。
<香菇> $18
香菇juicy， 厚肉之餘又會爆汁。
<燒雞泡魚乾> $39
雞泡魚乾口感偏韌，加埋wasabi汁食就越食越香口，最啱睇世界盃嘅時候加埋啤酒一齊慢慢食。
<和風什菜沙律> $35
沙律爽脆，味道清新。
總括而言，小店的食物質素不錯，不同小食/串燒會附有不同醬汁，性價比高，唔收加一。
