食滋味 (已結業)

餐廳：食滋味地點：炮台山菜式：粉麵飯餐牌：菜飯，粉麵，湯飯，滋味小食脆香黃花魚菜飯 $74脆香黃花魚好大條，黃花魚原條炸，然後起左邊，果然係脆香，炸得超薄脆，連骨都食得。魚肉雪白嫩滑。最正係另上既甜酸醬，令魚肉更好食。伴有少少沙律菜。菜飯份量好多，有白菜大白菜等，味道不錯，質感黏口。脆香黃花魚菜飯送飲品，加$3揀左罐裝雪碧，都可以加$3轉凍利賓納。滋味上海豬扒 $37跟餐小食比主餐牌減三蚊。滋味上海豬扒一客六件，炸得熱辣辣，外脆內嫩，啖啖脆啖啖肉，面頭加上類似七味粉，少少辣，味道好惹味。蠔油時菜 各$18時菜我揀左蠔油菜心同腐乳通菜。蠔油菜心全部都係菜心苗，超嫩。腐乳好味道，完全夠餸通菜食。時菜本身加左適量既油，所以味道好好，唔會太dry！小店座位唔多，老闆娘健談好客，好多都係熟客仔。呢個份量同質素絕對抵食！