影片
更多
2024-12-07
1188 浏览
想起來，真是很少機會說到串燒，仲要係酒店級別。早排同太太去了北角油街的君綽海逸酒店，跟友人來個午聚，餐廳在大堂一角，就在日本餐廳旁邊，可說是毫不顯眼，但想不到是另有天地。原來由下午三時至晚上12時，係eshop訂位，可享折扣，連埋加一都係$300位，已經可以食足兩小時。看似好似平平無奇，食落就知性價比好高，先不講超過40款食物種類，因為本身就會供應前菜、西湯、水果及甜品，而飲品更有啤酒汽水提供，講真吖，係酒店飲罐普通汽水點都要4、50蚊啦！仲有、仲有，最大賣點係所有食物是戶外明爐炭火專人燒烤，近日天氣涼涼地，又可以選在戶外用餐，邊睇住師傅烤食物，又傳來陣陣肉香，真是令人食指大動。講返食物，大概可分為肉類（牛、羊、雞及豬）、海鮮類及蔬菜類。亦有幾款食物是要另外付款的，當中包括了蒜蓉焗生蠔（$30）、芝士焗扇貝（$30）、燒羊扒（$50）、鹽燒鮑魚（$30）、燒牛仔骨（$20）及雞泡魚乾（$60）。個人心水係生蠔同扇貝，比較抵食，不過本身每位客人有兩隻烤生蠔，不另收費。係幾十款任點食物中，真心覺得烤雞皮、雞頸肉及雞尾超正。因為三款雞都是用上日本貨，尤其是雞皮烤至香口，咬落猶如薄脆。雞頸肉有
想起來，真是很少機會說到串燒，仲要係酒店級別。
早排同太太去了北角油街的君綽海逸酒店，跟友人來個午聚，餐廳在大堂一角，就在日本餐廳旁邊，可說是毫不顯眼，但想不到是另有天地。
原來由下午三時至晚上12時，係eshop訂位，可享折扣，連埋加一都係$300位，已經可以食足兩小時。
看似好似平平無奇，食落就知性價比好高，先不講超過40款食物種類，因為本身就會供應前菜、西湯、水果及甜品，而飲品更有啤酒汽水提供，講真吖，係酒店飲罐普通汽水點都要4、50蚊啦！
15 浏览
0 赞好
0 留言
3 浏览
0 赞好
0 留言
仲有、仲有，最大賣點係所有食物是戶外明爐炭火專人燒烤，近日天氣涼涼地，又可以選在戶外用餐，邊睇住師傅烤食物，又傳來陣陣肉香，真是令人食指大動。
0 浏览
0 赞好
0 留言
講返食物，大概可分為肉類（牛、羊、雞及豬）、海鮮類及蔬菜類。
18 浏览
0 赞好
0 留言
亦有幾款食物是要另外付款的，當中包括了蒜蓉焗生蠔（$30）、芝士焗扇貝（$30）、燒羊扒（$50）、鹽燒鮑魚（$30）、燒牛仔骨（$20）及雞泡魚乾（$60）。
個人心水係生蠔同扇貝，比較抵食，不過本身每位客人有兩隻烤生蠔，不另收費。
0 浏览
0 赞好
0 留言
係幾十款任點食物中，真心覺得烤雞皮、雞頸肉及雞尾超正。
因為三款雞都是用上日本貨，尤其是雞皮烤至香口，咬落猶如薄脆。
雞頸肉有嚼口而肉味濃，必食。
雞尾並非真的是屁股位，而是雞尾最尖端的位置，富油香，送啤酒無得輸。
0 浏览
0 赞好
0 留言
而雞翼又係燒烤中流砥柱，雞皮微焦，雞肉乾身，鹽香滿滿。
7 浏览
0 赞好
0 留言
而牛肉類方面，當然少不了烤牛舌及牛肉串，烤得啱啱好，口感Q彈。
豬肉首選烤豬頸肉菠蘿串，不單有炭香，咬落煙韌。
17 浏览
0 赞好
0 留言
6 浏览
0 赞好
0 留言
說到海鮮，任食鰻魚已經是一大亮點，尤其是鰻魚皮烤至脆卜卜，魚肉肥美，其他地方食點都要三幾十蚊串，家陣係任食。
另一款自己好鍾意既係大墨魚咀，坊間好少地方食到。
單單食上述所講幾樣，足以回本有餘，而就快到雙12（即係12月12日），餐廳竟然有雙人食足兩小時$400有找，計落一人$200，但quota有限，有興趣可以剔入去睇下。
10 浏览
0 赞好
0 留言
7 浏览
0 赞好
0 留言
7 浏览
0 赞好
0 留言
若果對串燒興趣不大，同閨蜜一齊想食甜點，家陣餐廳做緊買一送一梳乎厘班戟，有蜜糖玫瑰、海鹽忌廉芝士、伯爵茶以及榴槤流心忌廉芝士四款口味，最開心係可以點不同口味，計落一百蚊左右，每款仲要有三球 Movenpick 雪糕伴碟，真開心，其實我覺得夠4個人食。
张贴
