一杯屋 (已結業)

夜晚同媽媽行完崇光感謝祭，決定喺附近搵間日本嘢食下，見到OpenRice有人推介就上咗嚟食。餐廳位置非常方便。餐廳環境好有特色，而且員工態度親切，接近九成座位都滿左。由於客人太多，要等嘅時間比較耐，所以老闆特登整咗兩杯沖繩乳酸特飲俾我哋嘆吓，超級好飲，非常解渴。我叫咗客牛舌定食。炭燒牛舌非常特別，好有風味，果然係備長炭專門店，同平時出面食嘅牛舌好唔同。媽媽叫咗客鰻魚定食。鰻魚肉好嫩滑，加埋燒汁非常絕配。