開餐 (已結業)

第一次見到這間舖頭，其實就好想試下，點知公司同事都話這舖頭嘅雞扒飯好食，咁我就要試下喺唔喺真係咁正。我下午大約4點打去開餐道落order，外賣自取，大約4點10就有得拎。我order左一份炭燒雞扒飯，再加左一枝牛蒡茶，一共＄60。個飯拎到番公司，仲係好熱。打開個飯盒一睇，個飯製作得好有心機，一共有兩塊雞扒，雞扒下面墊左菜芯，之後先見到白飯係底下。呢個雞扒飯份量適中，唔會話太多或太少，雞扒上面淋左燒汁，甜甜地，好好味。至於兩塊雞扒，火候燒得剛好，裡面嘅雞肉仲係好嫩滑，有肉汁之餘，唔會過老，值得一試。