笑酤和味炭燒 (The Pulse) (已結業)

🚩 笑酤和味炭燒太耐冇去旅行啦，依家香港人真係慘到去遠啲都當去左旅行🫠今日就問公司攞咗一日假，同屋企人嚟咗淺水灣呢邊行吓！係依間舖頭門口經過已經聞到好香炭燒味，決定入嚟試吓～〰️〰️〰️〰️〰️〰️〰️〰️〰️〰️〰️〰️〰️〰️〰️🌈串燒拼盤定食 $160足足有六大串，依個套餐包左一碗烏冬，沙律同埋味噌湯～烏冬唔係hea你嫁，有埋腐皮同埋海帶！講返個主角先，牛舌同埋豚肉都超級厚切，外脆內嫩🤤冇過多嘅調味，少少海鹽已經好好食。燒番薯甜度十足，雞翼都係原隻咁上～肉食愛好者必叫🌈燒鰻魚定食 $260依個燒鰻魚真係驚為天人！唔好睇佢面頭好似有少少過黑，但食落一啲都唔會苦，面頭燒到佢脆脆地，同時又保留到魚肉嘅嫩～佢哋嘅燒汁比出面即食嗰啲濃味好多，輕輕鬆鬆食晒一碗飯！🌈天丼 $138估唔到天婦羅底下都有飯，真係飽死我了🥹炸蝦好大隻，上個月仲見到有報道話啲天婦羅蝦係用甜蝦整，個炸漿都大個隻蝦！但依間舖頭就唔會啦😆而且佢嘅炸漿好酥脆，一啲都唔厚實！仲有好多款蔬菜，連秋葵都有！🌈笑酤卷 $188平時炸蝦卷就食得多，呢隻卷係炸蝦卷加炸軟殼蟹卷！面頭佢有啲天婦羅脆，增加左成件事嘅口感🤤佢仲加咗好多沙律醬俾你，就算唔點豉油都好好食🌈三文