影片
更多
2018-03-09
2407 浏览
一行幾人前兩天特地黎到土瓜灣食炭爐火鍋，一開頭睇個名，以為係大大間嘅街坊式酒樓，去到店先發現原來係間相當地踎嘅小店 ，地方唔算大，大概放左5-6張長枱。我地開頭先攻海鮮：司奄、螺、蜆同聖子，估唔到新鮮之餘帶點炭香，而且保留到海鮮入面嘅水份👍後尾我地重貪得意嗌左碟乾吊片黎燒，懷緬一下以前舊式街邊燒魷魚果種風味，果然香脆可口，正呀！我地跟住嗌左個羊腩煲做邊爐湯底，非常足料！我地六人每人都分到起碼3-4舊羊肉，無膻味而且肉質香口，本身有少少抗拒食羊肉嘅我都忍唔住一舊接一舊！湯料其實普遍都平，質數亦唔錯，係碟美國牛肉有少少事與願遺。以為地踎小店就無服務可言？錯喇！呢度嘅店員雖然都係粗聲粗氣，但其實非常熱心，會同我地有講有笑，見到我地燒田雞時重從旁教我地要點啲豉油再去燒先至夠香夠入味！呢間小店充斥嘅除左炭香，重係濃厚嘅人情味♥
一行幾人前兩天特地黎到土瓜灣食炭爐火鍋，一開頭睇個名，以為係大大間嘅街坊式酒樓，去到店先發現原來係間相當地踎嘅小店 ，地方唔算大，大概放左5-6張長枱。
我地開頭先攻海鮮：司奄、螺、蜆同聖子，估唔到新鮮之餘帶點炭香，而且保留到海鮮入面嘅水份👍
後尾我地重貪得意嗌左碟乾吊片黎燒，懷緬一下以前舊式街邊燒魷魚果種風味，果然香脆可口，正呀！
我地跟住嗌左個羊腩煲做邊爐湯底，非常足料！我地六人每人都分到起碼3-4舊羊肉，無膻味而且肉質香口，本身有少少抗拒食羊肉嘅我都忍唔住一舊接一舊！
湯料其實普遍都平，質數亦唔錯，係碟美國牛肉有少少事與願遺。
以為地踎小店就無服務可言？錯喇！呢度嘅店員雖然都係粗聲粗氣，但其實非常熱心，會同我地有講有笑，見到我地燒田雞時重從旁教我地要點啲豉油再去燒先至夠香夠入味！
呢間小店充斥嘅除左炭香，重係濃厚嘅人情味♥
张贴
