僕之拉麵 (已結業)

出左消費券大家有冇食豪啲呢？今日去咗一間好有特色嘅拉麵店，仲未開返晚市堂食唯有叫外賣，外賣自取全單八折好抵食😍，平時食拉麵都唔係好捨得加餸，今次加咗餸仲加埋小食添，仲要買日本嘅梳打飲品，真係好開心🥳餐廳裝修用左日本原木色調，仲擺放咗好多日本嘅公仔，仲有我最鍾意嘅櫻桃小丸子一家，餐廳既日式風格真係令你好似置身喺日本嘅拉麵店特選拉麵配豬骨醬油濃湯 🍜除左有平時食開既叉燒，仲有一塊勁長既黑毛豬炙叉燒🐷，等嘅期間就見到師傅用火槍🔥燒呢嚿炙叉燒，燒過既油脂好香，雖然好邪惡但係勁正😆追加鮮味十足既蟹棒，拉麵夠彈牙，湯底濃郁得來又唔油膩，真係不得之了呀😌肉愛食者拉麵配豬骨塩味清湯 🍜三倍嘅叉燒真係份量驚人，每一片嘅叉燒都好大片好軟，角切叉燒好有口感，追加櫻花蝦嘅份量超級無敵爆多，應該係我咁耐以嚟食最多嘅櫻花蝦，令到個清湯更加鮮甜，拉麵仲配有葱、味荀、味付雞蛋，真係大滿足呀😋來自日本🇯🇵既蜜桃梳打🍑同柚子梳打🍹都好好飲，蜜桃梳打係用完熟蜜桃製作，超香桃味，柚子梳打嘅玻璃樽好靚，飲完我都留起咗個樽🤣原本以為炸雞係類似南蠻炸雞，但係呢一隻炸雞比南蠻炸雞仲好食，味道非常好，而且入邊仲好Juice好嫩滑，推薦