影片
更多
2023-03-26
5081 浏览
是日朋友放假，特別過黎一齊食lunch，揀左去金飯館，朋友話想食佢個黃酒雞子米線好耐。一點半黎到，原來未有米線，晏晝得炒飯供應，要等多一個鐘先有米線…咁算啦，試下佢期間限定嘅雞子炒飯囉。🍚芋頭臘味炒飯餐牌上有各式各樣嘅炒飯，第一次黎食本想慢慢睇下餐牌，但可能客人多，店員不停催落單，呢樣好食吖，呢樣多人叫吖，不如叫呢樣啦…煩到你根本唔想再睇落去，求其叫左餐牌第一碟芋頭臘味炒飯。味道係正常嘅炒飯味，芋頭同臘味已切粒粒，落得都幾多，炒得唔算油，但就真係太乾身，食左四、五啖已覺得膩😓佢仲附上左啲菜莆，但用意為何？啲飯好夠味喎🤔🍚椒鹽雞子炒飯朋友一心黎食雞子，無米線就退求其次要左雞子炒飯，雞子炸過已經無左雞子爆開個種口感，加上椒鹽好黏牙，同埋炸過比較油，成碟飯個感覺就係油同熱氣…😂🍋熱檸茶&🥤凍奶茶個熱檸茶叫手攪檸檬茶，仲以為係百份x個啲檸檬粉開嘅添，好彩佢都係有真檸檬嘅，不過落左走甜都係會比包糖黎😂朋友杯凍奶茶要左走冰，個qr code入面有得落，但黎到一樣有冰，仲幾多冰下，店員話凍飲無得走冰…咁熱飲先有？？個qr code落單就唔好有呢個option啦。講真佢其實真係唔難食，但好膩，兩個人可
一點半黎到，原來未有米線，晏晝得炒飯供應，要等多一個鐘先有米線…咁算啦，試下佢期間限定嘅雞子炒飯囉。
🍚芋頭臘味炒飯
餐牌上有各式各樣嘅炒飯，第一次黎食本想慢慢睇下餐牌，但可能客人多，店員不停催落單，呢樣好食吖，呢樣多人叫吖，不如叫呢樣啦…煩到你根本唔想再睇落去，求其叫左餐牌第一碟芋頭臘味炒飯。
味道係正常嘅炒飯味，芋頭同臘味已切粒粒，落得都幾多，炒得唔算油，但就真係太乾身，食左四、五啖已覺得膩😓佢仲附上左啲菜莆，但用意為何？啲飯好夠味喎🤔
🍚椒鹽雞子炒飯
朋友一心黎食雞子，無米線就退求其次要左雞子炒飯，雞子炸過已經無左雞子爆開個種口感，加上椒鹽好黏牙，同埋炸過比較油，成碟飯個感覺就係油同熱氣…😂
🍋熱檸茶&🥤凍奶茶
個熱檸茶叫手攪檸檬茶，仲以為係百份x個啲檸檬粉開嘅添，好彩佢都係有真檸檬嘅，不過落左走甜都係會比包糖黎😂朋友杯凍奶茶要左走冰，個qr code入面有得落，但黎到一樣有冰，仲幾多冰下，店員話凍飲無得走冰…咁熱飲先有？？個qr code落單就唔好有呢個option啦。
講真佢其實真係唔難食，但好膩，兩個人可以叫一碟炒飯加一碟其他野，一齊食炒飯好辛苦😂加上店舖好迫，又要掉位就其他大枱人，暫時不會再去了…
张贴
