健康味 (已結業)

住觀塘甘耐，最近先發現工廈有間超健康既外賣店，主打由營養師計好晒卡路厘，營養比例剛好，仲寫低哂卡路厘比我地參考，可以食得好健康，少油少鹽。一早whatsapp定想食咩，夠鐘就去拎，快靚正！可以簡白飯、意粉、糙米，我地揀左意粉、白飯。A焗茄子配蔬菜茄蓉汁 $ 58 402kcal 蛋18 碳64 脂8打開餐盒，色彩繽紛，有雞脾菇、西蘭花、椰菜花、紅蘿蔔、粟米、冬菇、黃瓜，各種蔬菜表露無遺。茄味濃，意粉淋身，整體超級健康丫。B柱候牛臉肉 $ 60 487kcal蛋49碳57脂5 每款飯盒份量均衡，有肉又有菜，牛味入味，絕無油膩感，而且肉質淋。C慢煮豬柳肉釀西梅 $ 58 506kcal蛋46碳58脂10 豬既分量好多，足足有幾層，男生絕對會夠飽，豬肉份量雖多，但唔會溜同肥，保留食物最原始本質既味道。最重要係無味精，同店名一樣<健康味>。