影片
更多
2020-06-10
23 浏览
今日放工終於去食期待咗好耐嘅渝味曉宇！雖然我同朋友都唔食辣，但都覺得好正，總結來講就係食材新鮮、湯底濃郁，好抵食呀！首先湯底就揀咗鴛鴦鍋，兩樣都係唔辣嘅大骨湯底同埋珍菌湯底，雖然唔辣但係豬骨味好濃，菇味都好香。落單後好快就上菜，有質素有速度。我哋叫咗今季限定嘅蟶子，唔單止冇沙，仲好鮮甜，值得一讚！同埋其他海鮮都超級新鮮，美國肥蠔好肥大味美；手打墨魚滑半份用兩個竹筒裝住，已經好夠食好有爽口；仲有三寶丸，放喺木板上面非常精緻影相好得意。肉類方面叫咗嫩牛肉，又嫩又鮮，好有驚喜！安格斯牛同埋羊肉卷都厚度適中，淥一陣就食得！而麵類都幾唔錯，特別係個苕粉非常煙韌！最後係飲品，我哋四個人就嗌咗一Jar洛神花茶，酸酸甜甜，打邊爐就最啱！
首先湯底就揀咗鴛鴦鍋，兩樣都係唔辣嘅大骨湯底同埋珍菌湯底，雖然唔辣但係豬骨味好濃，菇味都好香。
落單後好快就上菜，有質素有速度。我哋叫咗今季限定嘅蟶子，唔單止冇沙，仲好鮮甜，值得一讚！同埋其他海鮮都超級新鮮，美國肥蠔好肥大味美；手打墨魚滑半份用兩個竹筒裝住，已經好夠食好有爽口；仲有三寶丸，放喺木板上面非常精緻影相好得意。
肉類方面叫咗嫩牛肉，又嫩又鮮，好有驚喜！安格斯牛同埋羊肉卷都厚度適中，淥一陣就食得！而麵類都幾唔錯，特別係個苕粉非常煙韌！
最後係飲品，我哋四個人就嗌咗一Jar洛神花茶，酸酸甜甜，打邊爐就最啱！
张贴
