影片
更多
2014-08-01
3649 浏览
一直都好中意打邊爐,聽朋友推介佐敦牛皇星,於是就同個女仔fd去試,個人中意一碟碟火鍋料多過任食火鍋,因為任食邊爐d貨色一定將貨就價,食材真係般,所以比貴d一碟碟散叫會好d。因為我地book左位,咁個侍應就帶左我地上一層,一坐低個侍應就問我地飲咩,但個啤酒妹就黎sell啤酒,唔岩飲,我地就叫左揸橙汁,佢d橙汁係自己揸,有果肉,唔係太甜!!火鍋湯底方面,我通常唔會叫d濃味叫左冬瓜瑤柱,諗住冬瓜可以清熱一下,瑤柱可以令個湯更鮮味。食物份量整體黎講都唔太大份,價錢比一般價位高,但食物質素都相乎。牛脊: 不嬲唔中意食肥牛,依個牛脊肉切得薄身,焯4,5秒就食得,唔會老都夠滑身!!有D貴但都食得過!黑栢葉: 咬落比平時漂過嘅牛栢葉靭,但比較重牛味,新鮮好多!美國桶蠔:咁岩一桶開出黎有6隻(張相食到一半先影,所),一人三隻,D蠔都好大隻,焯完都冇縮水太多,好鮮味同滑。 貴花蚌: 幾新鮮,同一般料差唔多。墨魚滑/蝦滑 - 幾爽口,彈牙,食新鮮打嘅墨魚滑/蝦滑點都好過d丸,起碼冇咁多粉同化學野,不過份量少左d,個人比較喜歡墨魚滑。打邊爐係一定要叫菜,菇等等配料,因為吸哂湯底精華,真係好正!!雜菌 :有秀珍
個人中意一碟碟火鍋料多過任食火鍋,
因為任食邊爐d貨色一定將貨就價,食材真係般,所以比貴d一碟碟散叫會好d。
因為我地book左位,咁個侍應就帶左我地上一層,一坐低個侍應就問我地飲咩,但個啤酒妹就黎sell啤酒,唔岩飲,
我地就叫左揸橙汁,佢d橙汁係自己揸,有果肉,唔係太甜!!
火鍋湯底方面,我通常唔會叫d濃味叫左冬瓜瑤柱,諗住冬瓜可以清熱一下,瑤柱可以令個湯更鮮味。
食物份量整體黎講都唔太大份,價錢比一般價位高,但食物質素都相乎。
牛脊: 不嬲唔中意食肥牛,依個牛脊肉切得薄身,焯4,5秒就食得,唔會老都夠滑身!!有D貴但都食得過!
黑栢葉: 咬落比平時漂過嘅牛栢葉靭,但比較重牛味,新鮮好多!
美國桶蠔:咁岩一桶開出黎有6隻(張相食到一半先影,所),一人三隻,D蠔都好大隻,焯完都冇縮水太多,好鮮味同滑。
貴花蚌: 幾新鮮,同一般料差唔多。
墨魚滑/蝦滑 - 幾爽口,彈牙,食新鮮打嘅墨魚滑/蝦滑點都好過d丸,起碼冇咁多粉同化學野,不過份量少左d,個人比較喜歡墨魚滑。
打邊爐係一定要叫菜,菇等等配料,因為吸哂湯底精華,真係好正!!
雜菌 :有秀珍菇、金菇、雞脾菇、鮮冬菇,種類未夠有埋靈芝菇、磨菇會更豐富
娃娃菜 : 吸左湯,食落好鮮甜!!
白蘿蔔:夠甜,冇渣!!
竹笙:比出面竹笙厚身,煲耐左都冇爛,食落都仲爽口同吸哂湯!!推介!!!
另外,環境方面:衞生都ok,不過裝修有d舊,但成餐打邊爐後面枱個男人係度高談闊論,好大聲講野,好騷擾人!!
如果佢用d板間房,咁樣可以清靜d,人客有多d私人空間。
整體感覺良好，會再幫襯！！
张贴