味火鍋 (雅仕洋樓)

琴日走咗去尖沙咀嗰邊，係IG見到有間火鍋店做緊優惠，就衝左入去試下！見到佢個promotion有得揀龍蝦半隻或者雞煲，之後仲有任食打邊爐🥰真係令到我十分興奮😚好彩之前book咗位，去到之後好快就有位。溫馨小提示，女士們可以帶定件jacket如果唔係未食火鍋嘅時候會有d凍。好可惜因為有濕疹嘅問題，我哋冇得食龍蝦要焗住揀雞煲。但係呢個雞煲絕對冇令我哋失望，佢一開始已經好入味再煮多一陣嘅時候，有同事行過嚟問我哋使唔使要加水，原先以為可能係用返同一個鍋底，但後尾先知原來係會轉第二個鍋底嘅。如果大家有興趣食雞煲嘅話建議大家唔好揀加水，因為咁樣會沖走左本身雞塊上面濃郁嘅雞煲汁。喺任食火鍋嘅材料之下，發現豚肉令到我不知不覺點了好多。除咗一開始貴價嘅牛肉比較好食之外，佢原本任食嘅時候嘅肥牛質素偏中等。但係好在佢都有好多唔同嘅丸或者其他火鍋配料可以揀！但係下次真係好想試吓靜雞雞叫個龍蝦食。